Кулун тутар 23 күнүгэр «КЫАЙЫЫ ТУҺУГАР БАРЫ БИИРГЭ — БИИР СОМОҔО» улуус дьаһалтата ыытар көмө аахсыйатыгар И.С. Портнягин аатынан Сыырдаах орто оскуолатын кэлэктиибэ кыттан, биир дойдулаахтарбытыгар сырдык санаанан салайтаран, өйөбүл буолан көмөҕө кыттыста.
Ол курдук, оскуола үлэһиттэрэ СВО кыттыылаахтарыгар 60 000 солк. суумаҕа араас малы-салы: наскы, сииктээх салфетка, эмп-томп, соттор, суунар тэрил уо.д.а. хомуйан туттардыбыт.
Саха ыччата дойдуларын көмүскэлигэр сылдьаллара барыбытын долгутар, бу курдук бары түмсэн ыраахтан да буоллар, төһө кыалларынан күүс-көмө, өйөбүл буолуоҕуҥ диэн ыҥырабыт.
Уолаттарбыт, бу буола турар дьайыыттан этэҥҥэ эргиллэн кэлэргитигэр, ил-эйэ олохсуйарыгар баҕарабыт
