Ааспыт нэдиэлэҕэ Дьокуускай куоракка доруобуйаларынан хааччахтаах оҕолорго аналлаах «Абилимпикс-2026» регионнааҕы чемпионат ыытылынна. Манна биһиги улуустан «Өркөн» оҕону эбии үөрэхтээһин киинин иитиллэччилэрэ Эллина Цой уонна Анастасия Бурцева (сал. Евгения Местникова) ситиһиилээхтик кыттаннар бириистээх миэстэлэри ситистилэр.
Ол курдук “Бровист” диэн компетенцияҕа оскуола оҕолоругар бэйэлэрин сатабылларын көрдөрөн Анастасия 3-с, Эллина 1-кы миэстэни ыллылар.
Евгения Климентьевна салайар “Эстетическая косметология” куруһуога кыргыттарга билиҥҥи кэмҥэ саамай наадалаах идэлэргэ туһаайан ыытыллар. Кини куруһуогугар олус сөбүлээн дьарыктаммыт кыргыттар билигин Дьокуускайдааҕы медколледжка киирэн, косметолог идэтигэр үөрэнэ сылдьаллар.
Быйылгы чемпионакка барыта 493 күрэсчит 50 үөрэх тэрилтэлэриттэн: орто үөрэх кыһаларыттан – 24, үрдүк үөрэхтэн – 1, оскуолалартан – 25. Барыта 60 компетенциянан 76 оҕо кыайыылаах буолары ситистилэр. Онон Эллиналаах Анастасия маннык таһымнаах күрэскэ дьоһун кыайыыны ситиспиттэрэ үгүс үлэттэн тахсыбытын дакаастыыр. Инникитин Россия таһымыгар тиийэн кыргыттар ситиһиилээхтик кыттыахтара диэн эрэллээхпит.
Галина Матвеева, эбии үөрэхтээһин киин методиһа
