Ол курдук Саргылана Неустроева салайааччылаах бөлөххө СӨ киһи быраабын араҥаччылыыр аппараат юридическай салаатын салайааччы Александр Васильев, Дьокуускайдааҕы байыаннай комиссариат исписэлииһэ, анал байыаннай дьайыы кыттыылааҕа Владимир Носик, психиатр быраас Александр Григорьев, медицинскэй психолог Евгения Львова, СӨ үөрэххэ уонна наукаҕа министиэристибэтин анал бырагыраамалар салаатын салайааччыта Мария Захарова, «Геройдар кэргэттэрэ» уопсастыбаннай хамсааһын салайааччыта Саргылана Оконешникова, кэмитиэт чилиэнэ, ыччат ортотугар уопсастыбаннай көмөнү тэрийээччи Василий Потапов биирдиилээн дьону кытта кэпсэтэн докумуон ситиһиититтэн, доруобуйаны чөлүгэр түһэрииттэн саҕалаан, оҕо сынньалаҥ лааҕырыгар тиийэ боппуруостарга сүбэлээн-амалаан, ыйан-кэрдэн биэрдилэр.
Ону кытта улуус баһылыгын социальнай боппуруостарга солбуйааччы Григорий Аргунов, байыаннай дьайыы боппуруостарын сүрүннээччи Егор Черкашин уонна үөрэх, социальнай, доруобуйа харыстабыла курдук эйгэлэртэн бэрэстэбиитэллэр кытыннылар.
Бу тэрээһиҥҥэ үгүс киһи кэлэн, долгутар боппуруостарыгар уопуттаах юристартан, быраастартан, араас эйгэҕэ исписэлиистэртэн хоруйдары ылан, санаалыын чэпчээн, махтанан тарҕастылар.
Мария АРГУНОВА
