К
Кулун тутар 11–12 күннэригэр Уус-Алдан улууһа ыччат бэлиитикэтин эйгэтигэр суолталаах түгэннэр кииннэригэр кубулуйда. Бу күннэргэ Саха Өрөспүүбүлүкэтин «Бастыҥнар хамсааһыннарын» эрэгийиэннээх салаата тэрийбит «Методическай десант» бырайыага ыытылынна.
Десант үлэтин бырагыраамата олус таһаарыылаахтык ааста уонна кэлэр көлүөнэни кытта үлэ сүрүн хайысхаларын таарыйда.
Тэрээһин биир сүрүн түгэнинэн Координационнай сэбиэт мунньаҕа буолла. «Бастыҥнар хамсааһыннарын» эрэгийиэннээх салаатын бэрэстэбиитэллэрэ сүрүн дакылааттары оҥордулар:
Местников Василий Васильевич, патриотическай иитиигэ тутаах испэсэлист;
Петров Иннокентий Иннокентьевич, муниципальнай оройуоннары кытта үлэҕэ испэсэлист.
Кэпсэтии кэмигэр улууска ыччат көҕүлээһиннэрин сайыннарыы суоллара уонна бастыҥнар салааларын өйүүр ньымалар быһаарылыннылар.
Бастыҥнар бииргэ слет саамай көхтөөх оҕолору уонна кинилэр настаабынньыктарын түмтэ. Тэрээһин уопут атастаһар уонна саҥа бырайыактары саҕалыыр былаһаакка буолла. Күрэх түмүгүнэн саамай бастыҥ хамаанда быһаарылынна, кинилэр Уус-Алдан улууһун аатыттан өрспүүбүлүкэ таһымыгар кытар чиэскэ тигистилэр.
«Зарница 2.0» байыаннай-патриотическай оонньуу
Маайаҕас орто оскуолатын базатыгар кыра саастаах оҕолорго муниципальнай түһүмэҕэ ааста. Эдэр кыттыылаахтар эт-хаан өттүнэн бэлэмнээхтэрин, хамаанданан сомоҕолоһууларын уонна кыайыыга дьулуурдарын көрдөрдүлэр.
Бочуоттаах ыалдьыттар — Россия Геройдара
Тэрээһиннэргэ Россия Федерациятын Геройдара кыттыбыттара ураты суолтаны биэрдэ.
Геройдары кытта алтыһыы «Методическай десант» кыттыылаахтарыгар дьиҥнээх хорсун быһыы уруога уонна патриотизм тыыннаах холобура буолла.
Геройдар илии баттааһыннаах былаахтара кыайыылаахтарга сыаната биллибэт бэлэх, оттон бары кыттыылаахтарга көлүөнэ ситимэ быстыбатын туоһута буолла.
Улуус дьаһалтата уонна испэсэлиистэр «Бастыҥнар хамсааһыннарын» эрэгийиэннээх салаатыгар өйөбүллэрин уонна методическай көмөлөрүн иһин дириҥ махталларын биллэрэллэр. Маннык көрсүһүүлэр улууска ыччат хамсааһына өссө күүскэ сайдарыгар улахан тирэх буолаллар.
