Улуус дьаһалтатын сорудаҕынан «Помощь волонтера бесценна» ыстаап иһинэн улууспут волонтердара нэһилиэгинэн, түмсүүнэн, биирдиилээн ылсан иистэннилэр.
Бүгүн ыстаапка тиэрдиллиэхтээх таһаҕас наарданан, хааланан 100 устуука кэмпилиэк бэлэм буолла. Бу тигии мөһөөччүктээх хас биирдии кэмпилиэккэ плащ матырыйаалтан тигиллибит чараас көстүүм (ыстааннаах куртка), футболка, ис таҥас, наскы, паракорд быаттан браслет, блендажнай чүмэчи, харысхаллар, байыаска сурук уонна Өнөр соботуттан Найахы орто оскуолатын үлэһиттэрэ, үөрэнээччилэрэ оҥорбут 1000 устуука суураллар балык миинэ түмүлүннэ.
Ону таһынан үгүс хаххалыыр сиэккэ куулланан, мөһөөччүктэнэн бэлэмнэннэ. Ыстаап үлэһиттэрэ дойдубут туһугар туруулаһа сылдьар хорсун байыастарбытыгар көмөҕө санааларын, бириэмэлэрин, сыраларын ууммут улууспут волонтердарыгар барҕа махталларын тиэрдэллэр.
Мария АРГУНОВА
@uamurusahargata @ulusmedia
