Кини: “Маннык десанынан биһиги хаһыс да сылбытын өрөспүүбүлүкэбит араас муннуктарыгар сылдьан үлэлээтибит. Бу үлэ дьоҥҥо көмө буоларын таһынан ыччаты иитиигэ, үлэҕэ сыһыарыыга, тыа сирин олоҕун билиһиннэриигэ олук буолар. Биһиги кэккэбитигэр аан бастаан мас хайыппыт, сүөһүнү көрбүт ыччаттар кытта сылдьыһан, тыа сирин олоҕун билсэн, дьон махталын ылан астынан кэлэллэр”, – диэн эттэ.
Петр Витальевич бүгүн улуус активын, тэрилтэ салайааччыларын, байыаннай дьайыы кыттыылаахтарын кытта көрсүһүүтүгэр ыччат хамсааһыныгар көхтөөхтүк үлэлиир ыччакка махталын биллэрдэ итиэннэ министиэристибэ аатыттан махтал суруктары туттарда. Олор истэригэр Күннэй Рощина, Айаал Степанов, Сайыына Павлова, Марина Жиркова, Айыына Бережнова наҕараадаланнылар.
