Муус устар 18 күнүгэр Пааматынньыктары уонна историческай миэстэлэри харыстааһын аан дойдутааҕы күнэ бэлиэтэнэн ааста. Бу күн чэрчитинэн Россия үрдүнэн пааматынньыктары ыраастааһын акцията ыытыллар.
Суотту нэһилиэгэр бу акцияҕа кыттыһан Айым Степанович Охлопков салайааччылаах «Доҕордоһуу» история-архитектура государственнай музейын коллектива «Сулус» пааматынньыгы ыраастааһыҥҥа субуотунньук тэрийдэ.
Музей үлэһиттэрэ пааматынньык хаарын ыраастаатылар. Көхтөөх коллективка Суотту нэһилиэгин дьаһалтатын аатыттан махталбытын биллэрэбит.
Бу курдук историяны кэрэһэлиир, үйэтитэр аналлаах пааматынньыктарбыт уонна Ытык сирдэрбит куруук ыраас буолалларын ситиһиэҕиҥ!
