Балаҕан ыйын 27 күнүгэр, Саха Өрөспүүбүлүкэтин судаарыстыбаннаһын күнүнэн, биллиилээх общественнай деятель, суруйааччы П.А. Ойуунускай төрөөбүтэ 130 сылыгар анаан Чараҥҥа Нэлээн диэн улууспут биир саамай кэрэ миэстэтигэр «Улуу киһи суолунан» тэрээһин ыытылынна. 1936 с. балаҕан ыйыгар Ойуунускай бу ытык сиргэ кэлэн 3 күннээх ыһыах ыспыт. Бу ыһыахха олус элбэх киһи араас нэһилиэктэртэн сыарҕалаах атынан, оҕуһунан айаннаан кэлбиттэр. Кымыстарын, астарын тиэйэн кэлбиттэр. Платон Алексеевич пионердары көрсүбүт, кэс тылын эппит. Элбэх хоһооннорун аахпыт. Ол ыһыах билиҥҥээҥҥэ дылы умнуллубат эбит. Платон Алексеевиһы кэриэстээн, бу ытык сиргэ сэргэ, памятник туруорбуттар, хонон ааспыт сиригэр мемориальнай дуоска саайбыттар. Кэлин барытын биир сиргэ түмэн комплекс оҥоһуллара былааннанар эбит.
Ити курдук ПА Ойуунускай Уус Алдаҥҥа саамай суолун- ииһин хаалларбыт ытык сиригэр Чараҥҥа сүгүрүйэр үтүө үгэс салҕанан бара туруоҕа.
Василиса Васильева,
«Өркөн» оҕону эбии үөрэхтээһин киинин иитиллээччитэ», Уус- Алдан, Бороҕон
