Балаҕан ыйын 30 күнүгэр оскуола туризма буолан ааста. 5-11 кылаастар бөлөхтөрүнэн арахсан олус көхтөөхтүк, бэһиэлэйдик ыытылынна. Манна туристическай хаһыат, краеведческай викторина, бастакы көмө, бивуак көрүүтэ, эстафета диэн күрэхтэр бааллара.
1 миэстэни 7 «б» кылаас ылла. Кинилэр 3 көрүҥҥэ бастаан, бааллара элбэх буолан, итинник түмүгү ситистилэр. 2 миэстэҕэ 6 «а» , 3 миэстэҕэ 7 «а» кылаастар ыллылар.
Мин бэйэм бастакы көмөҕө кыттыбытым. Наһаа сөбүлээбэтэҕим, дьон атаҕын бэрэбээскэлиэхтээх этибит, ону хайдах бэрэбээскэлиирин өйдөөбөтөҕүм.
Биһиэхэ аспыт минньигэс буолан ыалдьыттар кэлбиттэрэ. Хатико курдук ыт баара, ону аһаппыппыт уонна хаартыскаҕа түспүппүт. Оскуолабыт директора Сергей Егорович кэлэн ыалдьыттаабыта
Туризм диэн олус интэриэһинэй күрэх эбит. Бу күн халлааммыт эмиэ сылаас, ардаҕа¸ тыала суох туран үөртэ. Салгыҥҥа сүүрэн-көтөн кылааспытынан бары бииргэ сылдьан бэйэ-бэйэбитигэр көмөлөһөн олус туһалаахтык күммүтүн атаардыбыт.
Юлия Васильева, Мүрү 2 №-дээх оскуолатын 8 «б» кылааһын үөрэнэччитэ, Өркөн оҕону эбии үөрэхтээһин киинин пресс киинэ, Уус Алдан.
