Оскуолаҕа киирэрбитигэр аан боруогуттан Туйаара Ивановна Дегтярева көрсүбүтэ. Бастакы уруокка бары бэйэ-бэйэбитин кытта билсибиппит. Түөрт сыл наһаа түргэнник ааспыта.
Туйаара Ивановна бырааһынньыктарга төрөппүттэри кытары элбэх куонкурустары толкуйдууллара. Ол күннэр өйбөр хатанан хаалбыттар.
Төрдүс кылааһы бүтэрэрбитигэр альбом оҥотторбуппут. Ол альбом бииргэ үөрэнэр доҕотторбор оҕо сааспытын, маҥнайгы учууталбытын санатар үтүө өйдөбүл буолан хаалыа диэн эрэнэбин.
Билигин биһиги номнуо 8 кылаастар буоллубут. Элбэх учуутал үөрэтэр, ол эрээри маҥнайгы учууталбытын умнубаппыт. Күнду учууталбытыгар Туйаара Ивановнаҕа түөрт сылы быһа биһигини көрө-истэ, иитэ-үөрэтэ сылдьыбытыгар улахан махтал! Бары кылааспытынан Эйигин олус күүскэ таптыыбыт уонна ахтабыт! Учуутал күнүнэн эҕэрдэбитин тиэрдэбит!
Юля Васильева, Мүрү 2N орто оскуолатын 8 кылааһын үөрэнээччитэ,
«Өркөн» оҕону эбии үөрэхтээһин киинин пресс киинин чилиэнэ.
