Балаҕан ыйын 28 күнүгэр оскуолабытыгар күһүҥҥү дьаармарка буолан ааста.Онно 5-8 кылаас оҕолоро «Күһүҥҥү эҕэрдэ» диэн балтараа мүнүүтэлээх видео-рилска уонна 8-9-10-11 кылаастарга «Атыылыыр сири бастыҥ киэргэтии» күрэх буолбута.
Биһиги кылаас оҕолоро улууспут биир саамай кэрэ көстүүлээх сиригэр, «Нэлээҥҥэ» баран айылҕаҕа хатын чараҥҥа уһуллан кэлбиппит. Учууталбыт Спиридон Дмитриевич ол видео-рилска оҕолору кытта тэҥҥэ уһуллан биһиэхэ элбэх баалы тэбэн биэрэн бастаатыбыт.
Иккис күрэхпитигэр төрөппүттэр сүбэлээн- амалаан атыылыыр миэстэбитин аныгылыы Лофтхенд диэн күһүҥҥү хаппыт от- мас, сэбирдэх көмөтүнэн араас быһыылаах талахтан, кумааҕыттан өрүллүбүт корзиналарынан, оҕуруот астарынан киэргэтэн, көстүүтүн тупсарбыппыт көрөргө наһаа үчүгэй этэ. Бу күрэхпитигэр эмиэ бастаабыппыт.
Дьарбаҥкаҕа атыылыы аҕалбыт аспытын барытын атыылаан кылааспытыгар 14,185 солк. үп харчыны киллэрдибит. Бу харчыбытыттан ыараханнык ыалдьыбыт Мүрү 1 №-дээх оскуолатын үөрэнээччитигэр Тарскай Женя эмтэнэ барарыгар көмө оҥордубут.
Онон быйылгы үөрэхпит дьылын ситиһиилээхтик саҕалаатыбыт уонна саҥа тутуллубут үс этээстээх киэҥ таас оскуолаҕа үөрэнэ киирбиппититтэн олус үөрэбит.
Васильева Юля,
Мүрү 2 №-дээх орто оскуолатын 8 “б” кылааһын үөрэнээччитэ
“Өркөн” оҕону эбии үөрэхтээһин киинин пресс киинэ
Уус-Алдан
