Бүгүн Оҕо, ыччат улуустааҕы ааҕар киинигэр биир дойдулаахпыт, оҕо суруйааччыта, суруналыыс Иннокентий Ильич Сыроватскай-Дүөндүн Мүрү маҥнайгы нүөмэрдээх орто оскуолатын 4 «в» кылааhын үөрэнээччилэрин кытары көрүстэ.
Үөрэнээччилэр суруйааччы «Бэйэм ааҕарым үчүгэйиэн» диэн кинигэтиттэн «Хаар-хаар барахсан» түhүмэҕин ааҕан иhитиннэрдилэр. Бу кинигэ Аан дойдутааҕы «Белый мир Арктики через призму детской книги» II куонкуруска «Хотугу сир уонна Арктика туhунан уhулуччулаах айымньы » анал ааты 2021 сыллаахха ылбыта.
[wds id=»14″]
Оҕолор хоhооннору ааҕан хаары ойуулуур сахалыы тыл арааһын биллилэр, быhаара үөрэннилэр. Маны таhынан Арина Винокурова ырыа кэhиилээх, Аман Протодьяконов, Вика Тимофеева хомуска оонньоон бэлэх ууннулар.
Иннокентий Ильич бастакы хоhоонун 4-с кылааска сылдьан суруйбутун, хоhооннорун, оҕо сааһын, айар үлэтин туhунан кэпсээнин оҕолор сэргээн иhиттилэр. Суруйааччылыын сэhэргэhэн, ыйытыы биэрэн, эппиэт ылан астынан тарҕастылар.
Иннокентий Ильич хас да кинигэ таhын ойуутун-бичигин оҥорон күн сирин көрдөрбүт үтүөлээх. Үөрэнээччилэр суруйааччылыын көрсөн, кэпсэтэн, санаалыын астынан, дууhалыын сырдаан тарҕастылар.
Надежда Гоголева
