Алтынньы 26 күнүгэр Уус Алдан улууһун оҕону эбии үөрэхтээһин киинигэр «IT-КИИН» үлэһиттэрэ аҕам саастаахтарга анаан «АЙТИГА САЙДАБЫТ» диэн бастакы үөрэхтээһини ыыттылар.
Тэрээһин аҕам саастаах дьон күннээҕи олохторугар аныгы технологияны табыгастаахтык туһаналларыгар, сатабылларын сайыннаралларыгар көмөлөһөр сыаллаах буолла.
[wds id=»15″]
Бастакынан дьарыкка Анастасия Мигалкина салайааччылаах «Күндүүнэ» ветеран түмсүүтэ кэллэ.
Бу күн «Мин докумуоннарым» тэрилтэ үлэһитэ Ушницкая М.А. интернет нөҥүө «Госуслуга» порталы, «IT-центр» программиһа Свинобоев М.А «Уйгу сирэ» информационнай сайт өҥөлөрүн хайдах туһаныахха сөбүн көрдөрдө.
«Дуораан» араадьыйа мобильнай сыһыарыытын быйылгы үлэтин редактор Иванова А.М. билиһиннэрдэ. «Булугас БОТ» телеграмм бот хайдах үлэлиирин автора Иванов И.А. үөрэттэ.
Түмүккэ «IT-центр» үлэһиттэрэ олохтоох нэһилиэнньэни улахан дьоҥҥо ыытыллар дьарыктарга ыҥырдылар.
Холобур, графическай планшекка уруһуйдуурга уонна компьютерга бэчээттиргэ үөрэтэр дьарыктары «күндүүнэлэр» олус диэн сэҥээрдилэр.
Ити курдук «АЙТИГА САЙДАБЫТ» дьарык икки час устата саҥаттан саҥаҕа үөрэтэн, бэрт сэргэхтин ааста.
Евдокия Окоемова
